Database Basic Terminology - Arabic
ملاحظة: يفضل معرفة بالـ SQL
Entity
ترجمتها الكيان, المقصود بالكلمة هو الشيء المطلوب تخزين بيانات عنه, زي بيانات سيارة (اللون, سنة التصنيع, الماركة المصنعة), طبعا الكيان يشمل بيانات انسان, مؤسسة, مبنى او اي شي مادي مطلوب تخزين بيانات عنه, اي شئ في الحياة اليومية تقدر تكتب بيانات ليه على ورقة وقلم تقدر تقول عليه Entity
Table
الـ Table هي المصطلح المستخدم داخل الـ Database لتخزين البيانات, تقدر تقول ان الـ Table هي امتداد لـ Entity بحيث بيتم تحويل الـ Entity لـ Table, في الـ OOP المستخدمة في لغات البرمجة زي الـ Python بيتم تحويل الـ Entity لـ Class
Attribute
الـ Attribute هو الصفة الخاصة بالـ Entity زي اللون أو سنة التصنيع, مع ملاحظة ان الـ Attribute مرتبط بنوع بيانات محددة أو Data Type على سبيل المثال مينفعش اكتب سنة التصنيع رقم عادي لازم يكون بصيغة تاريخ (1997-5-9) او ان اكتب رقم في خانة اللون وهي تقبل احرف.
كذلك الـ Attribute بيرجع نوع محدد من البيانات بناءا على الـ Call الـ بيتم, خلينا ناخد مثال السيارة, عاوز ارجع Attribute اللون يبقي الراجع هيكون احمر, ازرق او اخضر, او اي اسم ينتمي لعائلة الالوان تم تسجيلة بالـ Table ... المقصود من كلامي ان الـ Attribute هو صفة الـ Entity.
Column
الـ Column هي امتداد للـ Attribute داخل الـ Database, لما بتيجي تعمل SELECT انت بترجع الـ Column الـ انت حددتها فقط, بالربط مع تعريف الـ Attribute انت بتنادي على الصفة.
Instance(row)
الـ Instance هي امتداد للـ row, لما تيجي تعمل Data INSERT في الـ Table (خلينا ناخد مثال السيارة) انت بتكتب:
(“red”, “1997-2-8”, “BMW”),
(“blue”, “1980-7-12”, “Fiat”),
(“green”, 1999-5-30”, “Ford”)
أنت هنا نسخت صفات الـ Entity بدون نسخ الـ Entity نفسه بحيث انك قدرت تعمل كذه مدخل جديد باستخدام الـ Attributes الـ قمت بتعريفها من قبل عند إنشاء الـ Table ( لما عملت CREATE TABLE), وهو ده الـ Instance ببساطة.
تقدر تقول ان الفائت ده كلها هو ملخص الـ OOP ببساطة مع بعض الزيادة
Entity ==> Class ==> Table
Attribute ==> Attribute ==> Column
Instance ==> Object ==> Row