Web Basics pt.6: Web Server - Arabic

by Moh Ayman | 14, July 2020

Web

اخر مقال ذكرنا بسرعة الفرق بين الـ Web Server والـ DNS Server ... هنا هنتكلم عن الـ Web Server او خادم الانترنت, بس قبلها هنتكلم عن الفرق بين الـ Webpage و الـ Website, بشكل سريع مع ذكر بعض الملاحظات.

 

Webpage

صحفة الانترنت هي الصفحة الـ بيعرضها الـ Browser او متصفح الويب بشكل منفرد زي الصفحة الحالية الـ انت عليها واساسها الـ(HTML (Hypertext Markup Language والـ بيتم اضافة الـ (CSS (Cascading Style Sheets لتحسين المظهر وتحسين الاداء باستخدام لغة برمجة زي الـ JavaScript.

الـ Browser ممكن يعرض ويشغل ملفات تانية زي الصور وملفات الـ PDF ودول بيسمو Documents, لكن الـ Webpage مسمى خاص بملف الـ HTML.

 

Website

دي مجموعة من الـ Webpages ممكن تبقئ عشرات او مئات الصفحات ولكن كلها نفس داخل الـ Website.

يعني PythonEgy ده الـ Website عليه صفحة الـ About والـ فيها معلومات عني, وصفحة الـ Home الـ بتستعرض جميع المقالات بالموقع.

 

Web Server

هو كمبيوتر متخزن عليه ملفات الـ Website وبيكون متوصل بالنت بشكل دائم وبيتم الوصول اليه عن طريق الـ Domain Name, لاظهار نسخة من ملفات الـ Website للـ Browser, مع ملاحظة التالي:

 

  • كلمة Webserver مش بتوصف الكمبيوتر الـ متخزن عليه الملفات فقط, لكن كذلك البرنامج المستخدم للتعامل مع الملفات بنائآ على طلب الـ Browser.

 

  • الكمبيوتر بجميع اجزائه المادية الاخري زي الـ Hard Disk مثلا, تسمى Hardware, والبرنامج الـ بيقوم بالتعامل مع الملفات اسمه Software, ويبقئ كده الـ Webserver مكون من جزء مادي (Hardware side) وجزء غير ملموس (Software Side) ... في الغالب انت محتاج المعلومة دي عشان الفهم وعدم اللغبطة عند ذكر برنامج زي الـ Apache ويقولك ده Webserver Software او HTTP Server ... يبقئ للدقة عند الاشارة للـ Webserver كجزء غير ملموس دخل كلمة Software.

 

  • الـ Software (زي برنامج الـ Apache) بيتحكم في طريقة وصول الـ Browser للملفات المتخزنة على الكمبيوتر عن طريق فهم الـ HTTP والـ URL.

 

  • معظم الناس عن الاشارة للـ Webserver بتتكلم عنه كـ كمبيوتر مادي متوصل بالانترنت ودة نوع من السرعة في التواصل لان المفروض انك فاهم الفرق ... ده شكل من اشكال الـ Webserver

 

 

زي ما هو واضح عبارة عن كمبيوتر مع اختلاف الشكل.

 

ايه بالظبط الـ بيحصل؟

لما الـ Browser بيعمل طلب (Request) ملف باستخدام بروتوكول الـ HTTP من الـ Webserver الـ Software Side بيقوم بالتوصيل للملف الطلوب (webpage) عن طريق الـ URL ويعمل رد (Response) للـ Browser باستخدام الـ HTTP.

 

النهاية

دي كانت اخر مقالة عن مبادئ عمل الانترنت بفهمها تقدر تتوسع في حاجة زي الـ API مثلا ... خلي مجموعة المقالات دي كمرجع ليك ... دي كل المقالات:

  1. Web basics pt.1: LAN and WAN - Arabic
  2. Web basics pt.2: the Internet - Arabic
  3. Web basics pt.3: the Web - Arabic
  4. Web basics pt.4: TCP/IP suite - Arabic
  5. Web basics pt.5: Domain Name - Arabic
  6. انت هنا ==> Web basics pt.6: Web Server - Arabic

 

المراجع
MDN