Web Basics pt.5: Domain Name - Arabic

بنية الـ Domain Name

بتتكون من بنية بسيطة زي الشكل التالي

(TLD (Top Level Domain Name

• ممكن يسمى Extension
• الاكتر انتشارآ هم الـ com. والـ org. والـ net.
• بعض الـ TLDs ليها شروط معينة عند الاستخدام
  • eg. او fr. او ae. وزيها,  بتطلب المحتوي بلغة معينة او الخدمة من بلد معين
  • gov. تستخدم للمباني الحكومية
  • edu. تستخدمه الاكاديميات والمعاهد الدراسية

Label

• ويسمي Domain Name
• وبيسمي (SLD (Second Level Domain Name
• بيكون Case-insensitve يعني PythonEgy.com زي pythonegy.com
• ممكن العدد يكون اكتر من Label 
  • developer.mozilla.org
  • iot.mozilla.org
  •  wiki.developer.mozilla.org

قولنا على الـ Label ان ممكن يسمي Domain Name وده لان هو الاسم الـ بتشتريه وتحتفظ بملكيته, يعني شركة Google او Facebook واي موقع اخر على الانترنت الـ Link الخاص بيهم مشترك في الـ TLD و الـ WWW والـ HTTP

• https://www.google.com
• https://www.facebook.com
• https://www.pythonegy.com

التركيبة الكاملة لاسم الموقع اسمها URL بس بردو تمام لو استخدمت Domain Name للاشارة للـ Link كامل, المهم تبقئ فاهم

الـ Domain Name بيشتغل ازاي؟

لما تكتب الـ Domain Name في الـ browser's bar بيتم توجيهك للـ IP address ... الـ IP Address  لكل من:

• Facebook ==> 157.240.21.35
• Google ==> 216.58.214.68
• تقدر تنسخ كل رقم من دول وهيوجهك للموقع

IP address رقم صعب الحفظ والتعامل معاه لكنه سهل على الكمبيوتر ... الـ DNS server هو الـ بيسهل الموضوع علينا بحيث يربط بين الاسم المكتوب سهل القراءة والرقم الصعب... الـ DNS server شبيه بالـ Web Server لكن بيتعامل مع الـ Domain Names فقط

مش هذكر سبب تغير الـ IP Address لو ظهر معاك مختلف عن الـ انا كتبه, لان هو بعيد عن غرض المقال ... عموما تقدر تعرف الـ IP Address لموقع معين من هنا

في صورة نقط بسيطة هوضح ازاي بيتم التوجيهة من الـ Domain Name للـ IP address

• الـ Browser فيه حاجة اسمها Cach (ذاكرة التخزين المؤقت) ... بتساعد على سرعة تصفح مواقع الانترنت اسرع بتوفير وقت تحميل ملفات الموقع مرة تانية ... في جزء منفصل من الـ Cach خاص بالـ Doamin Name فقط اسمه  Local DNS Cach

• لما تكتب facebook.com في الـ browser's bar, الـ Browser بيراجع اذا كان مخزن الـ IP Address المرتبط بالـ Domain Name في الـ Cach ... بسبب تصفحك السابق لـ Facebook الـ Browser بيكون مخزن الـ IP Address في الـ Cach ... فـ بيتم تحويلك للموقع المطلوب بشكل مباشر

• لو اول مرة, الـ Browser مبيكونش مخزن الـ IP Address بالـ DNS Cach فـ بيروح للـ DNS server الـ بيعرفه على IP Address المطلوب وبيرجع بيه للـ Browser ... الـ Browser بيخزن الـ IP Address في الـ Cach عشان يبقى متاح المرة الجاية ووقت تحميل الموقع يبقئ قليل ... ده يفسر ليه بعض المواقع بيكون وقت الوصول ليها اول مرة بياخد وقت طويل عكس تاني مرة مثلا.

ملكية الـ Domain Name

كل Domain Name على الانترنت مينفعش يكون ملكية خاصة للابد وﻻزم يدفع له مبلغ سنوي ... ده نوع من التاكيد على ان الـ اشترى ال Doamin Name بيستخدمه وبالتالي الانترنت ميكونش مليان اسماء مواقع لصفحات فارغة ... حتي شركة جوجل بتدفع رسوم سنوية لاستخدام google.com

تقدر تعرف اذا كان اسم موقع مستخدم ولا لا من WHOIS

النهاية

المقال التالي هو المقال الاخير, فيه هنتعرف على الكمبيوتر الـ مخزن ملفات جميع المواقع على الانترنت.

المقال التالي: Web Server

المقالات كاملة بالترتيب

1. LAN and WAN
2. the Internet
3. the Web
4. TCP/IP suite
5. انت هنا ==> Web basics pt.5: Domain Name - Arabic
6. Web Server

المراجع
MDN web docs