Web Basics pt.4: TCP-IP Suite - Arabic

by Moh Ayman | 13, July 2020

Web

الـ TCP/IP Suite هي الحزمة الـ بتسمح ان ملف ما على الانترنت يتجزء عشان يحمله ملايين من المستخدمين يقدرو يحمله بدون مشاكل ... هنعرف الاول ايه المشاكل الـ ممكن اتحمل كـ جزء واحد.

One Large File

لما تحمل فيديو من على الانترنت, ونقول مثلا حجمة 10MiB, الـ انت بتعمله بعد طلب التحميل والتحميل يبداء, انك بتنتظر الانتهاء الكلي للتحميل بعد كده تعرض الفيديو على الجهاز الخاص بيك من غير مشاكل.

عملية التحميل للفيديو السابق هي عملية تحميل حصرية ليك فقط, ومحدش يقدر يقوم بطلب تحميل الا بعد انتهائك الكلي للتحميل بشكل سليم وكامل ... وبالتالي لو عدد الافراد 100 على الانترنت الشخص الاخير ينظر مدة طويلة جدا لامكانية طلب التحميل فقط, فما بالك بالعدد الموجود على الانترنت في الوقت الحالي.

Packets

لحل المشكلة دي بيتم تجزئة الفيديو الـ حجمة 10MiB لاجزاء صغير جدا في الحجم, خلينا نقول مثلا 1000 جزء.

يتم تحميل كل جزء على بشكل منفرد عن طلب التحميل ويتم الانتقال للجزء الـ بعده بعد انتهاء الجزء السابق وهكذا, ومع انتهاء كل جزء بيصبح متاح لطلب التحميل لمتسخدم تاني.

وبنفس الفكرة الـ كانت تنطبق على الـ 10MiB كلها تنطبق على الاجزاء الصغيرة, ولكن اصبحت مدة الانتظار اقل بكتير جدا, يعني مازال كل جزء حصري ليك انت لوحدك للتحميل, ولكن بسبب سرعة التحميل الكبيرة جدا لكل جزء كل مستخدم تاني يقدر يحملها ويحس ان التحميل حصري ليه لوحده.

بعد انتهاء تحميل كل الاجزاء, بيتم تجميعهم في الصورة النهائية للفيديو ... الاجزاء الصعيرة جدا دي اسمها Packets ... تقدر تتخيل الفيديو زي الصورة التالية

تخيل ان الفيديو حائط مطلوب نسخة ... الفرق بين نسح الحائط كله بالنسبة لحجر واحد كل مرة كبيرة جدا.

TCP/IP Suite

عملية التجزئة والتجميع بيقوم بيها حزمة الـ TCP/IP.

خلال عملية التجميع الحزمة بتتاكد من توافق جميع الاجزاء مع بعض مثلآ, ان يكون كل جزء غير تالف, لو حصل ان جزء غير متوافق مع باقي الاجزاء بيتم اعداة تحميل الجزء ده منفرد واعادة جمعه تاني

دي فائدة تانية لـ حزمة الـ TCP/IP, وهو تفادي التلف الكلي للملف المحمل, يعني لو حصل ان مثلا الانترنت قطع فجاءة تقدر انك تعمل اعادة تحميل للملف ولكن بدون اعادة التحميل الكلي وبالتالي مدة انتظار اطول - مع العلم ان في ملفات لازم تحملها من الاول -

وده يفسر ليه ممكن تنزل صورة او فيديو وتفتكر انو تالف ولكن الحقيقة انه مش تالف لكن غير مكتمل.

Component Files

هي الملفات الخاصة بالموقع زي الـ HTML, CSS والـ JavaScript وان لما المتصفح (Client) يعمل Request للـ Web Server بيقوم الاخير بعمل Reponse بنسخة من مكونات الموقع او الـ Component Files

نفس الفكرة المطبقة على الفيديو بتم على ملفات الموقع لما يتم ارسال نسخها منها من الـ Web Server للمتصفح بواسطة حزمة الـ TCP/IP.

الـ Component Files بتتكون من:

Code Files ودى الملفات الاساسية للموقع
- HTML, CSS
- ممكن يضاف عليه JavaScript
- او لغة زي الـ Python
Assets دى الملفات التكميلية للموقع
- زي الصور, الفيديوهات والاصوات

سعات بيتم دمج اسم النوعين مع بعض تحت مسي واحد Assets ... تفتكر ليه الموقع سعات بيظهر ناقص؟

النهاية

بالمقال الحالي اتعرفنا على ازاي خدمة الـ TCP/IP بتمكن ملايين من مستخدمين الانترنت يحمل ملف بنفس الوقت, فهمك لنقط زي دي بتخليك مميز على المدي البعيد في مشوارك المهني كـ Web Developer ... في المقال التالي هنتعرف على الخدمة الـ بتساعد مستخدمين الانترنت للوصول لصفحات الويب بسهولة بدون حفظ ارقام الـ IP Address

المقال التالي: Domain Name

المقالات كاملة بالترتيب