Web Basics pt.1: LAN and WAN - Arabic

by Moh Ayman | 12, July 2020

Web

مقدمة

المقصود بـ LAN و WAN هو الانترنت والشبكة, حيث LAN تمثل الشبكة وهي توصيل مجموعة من اجهزة  الكمبيوتر على نطاق محدود, LAN هي اختصار لـ Local Area Network ... الـ WAN تمثل الانترنت وهي توصيل مجموعة من اجهزة  الكمبيوتر على نطاق لا محدود هي اختصار لـ Wide Area Network

  • توصيل تليفونك مع آخر باستخدام SHAREit, بواسطة الـ Wi-Fi
  • الاتصال باستخدام الـ Bluetooth لتبادل الملفات، قبل انتشار الهواتف الذكية.

دي انواع من التواصل بين اجهزة المحمول (الـ هي عبارة عن كمبيوتر مصغر) وبعضها, كل ده شكل من اشكال الـ Network (الشبكة) ... والشبكة مكون أصغر للإنترنت.

مع نهاية المقال هنتعرف على الفرق بين الـ Network والـ Internet ... في ناس بتسمي Network بالـ Internet ده صحيح من جانب ما, لكن المهم تفهم الفكرة الصحيحة وهتقدر تستوعب الـ قدامك يقصد ايه بالظبط من غير ما يديك تفاصيل كتير.

 

?Who is this post for

مجموعة مقالات الويب والانترنت, مش شرط انك تكون بدأت في مجال تطوير الويب او عارف لغة برمجة معينة يعني عادي انك لسه بتبدأ.

الاساسيات دي مهمة عشان تبداء تتوسع وتتعلم الـ API, والـ تعتبر من اهم شروط مطور الويب ... وعموما فهمك للأساسيات بيساعدك انك تفهم أي Framework جديدة بسرعة لانها بتقلل فترة البحث عن المصطلحات الـ بتتكتب في الـ Documentation ... لان مفيش Documentation بتشرح الاساسيات لكن تعتمد انك فاهمها.

 

A Simple Network

هنتكلم عن الموضو ع ب Scale صغير ونكبر تدريجيآ, من خلال نقطين:

  • كابل نت (Ethernet Cable)
  • عدد 2 جهاز كمبيوتر جهاز A وجهاز B

 

ازاي توصل الجهازين مع بعض؟

بتوصيل كابل النت في الـ port (المدخل) الخاص بكابل النت المتوفر بكل جهاز 

 

Two computers linked together with ethernet cable

 

كده كل جهاز كمبيوتر هيحتاج مدخل كابل نت واحد فقط للتواصل مع الجهاز الاخر في الشبكة, و دي ابسط صورة للشبكة, اجهزة كمبيوتر متوصلة ببعض باستخدام كابل.

 

ازاي توصل عدد اكبر من الاجهزة مع بعض؟

بتطبيق طريقة التوصيل السابقة, لو قلنا ان عدد الاجهزة المطلوب توصيلها هي 10 اجهزة, هنبقى محتاجين:

  • 50 كابل نت
  • 9 مخرج كابل نت لكل جهاز كمبيوتر

 

 

Ten computers linked together with ten ethernet cables

 

الحل؟

التطبيق الاخير غير عملي تمامآ عشان كده بنستخدم جهاز كمبيوتر اصغر اسمه router (جهاز توجيه الاشارة), بيتم توصيل الـ 10 اجهزة بالـ router

 

Two computers linked together through router device

 

الـ router بيقوم بتوجيهة الاشارة/البيانات المرسلة بين الكمبيوترات وبعضها بشكل صحيح بدون تداخل, يعني لو الرسالة مرسلة من الجهاز A للجهاز H متوصلش بالغلط للجهاز C.

 

ازاي الـ router بيعرف كل جهاز في الشبكة؟

كل جهاز كمبيوتر ليه IP address (عنوان) خاص بيه مميز وغير مستخدم من اي جهاز تاني في الشبكة, الـ عوزك تعرفه ان الـ router بيميز كل جهاز في الشبكة بواسطة العنوان الخاص بيه (IP address) ال بيكون شكله كالتالي:

  • جهاز A الـ LAN IP address الخاص بيه هو 192.168.1.1
  • جهاز B الـ LAN IP address الخاص بيه هو 192.168.1.16
  • جهاز C الـ LAN IP address ... وهكذا

لما نيجي لمقال الانترنت هنعرف ازاي الـ IP address بيتحدد لكل كمبيوتر بشكل خاص في الـ Local والـ Wide.

 

ازاي ممكن نكبر الشبكة خارج نطاق عدد الـ router؟

مدام الـ router عبارة عن كمبيوتر بشكل اصغر, نقدر نستخدم نفس الفكرة المطبقة على الكمبيوتر العادي

 

Two routers linked together using Ethernet cable

 

وبعدين الـ routers مع routers اخرئ ... وهكذا

 

Three routers linked together with three Ethernet cables, through main router device

 

النهاية

مطلوب منك المقال ده تفهم فكرة عمل الشبكة وانها جزء اصغر من الانترنت والاتنين مش واحد ... المقال التالي هنتكلم فيه عن الانتقال من الشبكة (LAN) الى الانترنت (WAN).

المقال التالي: The Internet

المقالات كاملة بالترتيب

  1. انت هنا ==> Web basics pt.1: LAN and WAN - Arabic
  2. the Internet
  3. the Web
  4. TCP/IP suite
  5. Domain Name
  6. Web Server

 

المراجع
How does the Internet work
Ubuntu Documentation
TechRepublic