تنظيم الوقت ومشكلة الفصلان

تنبيه : لمستخدم الهاتف بدل لوضع الشاشة الافقي

مقدمة

• عاوز اخلص كورس الـ Python DS
• اتفرج على الفيلم الوثائقي
• اجرب الـ Framework الجديدة
• ده غير الشغل الـ ورايا اصلا

التفكير في كل ده بيعمل حمل نفسي عليك ويوجهك للتسويف (المماطلة) وبالتالي بيعمل حالة من الارهاق او كما تسمي الـ Burnout ده غير الإحساس بتأنيب الضمير بنهاية اليوم, لإحساسك بعدم الإنجاز المطلوب منك بالشكل المستحق.

الهدف من التخطيط هو عمل توازن بين العمل والراحة النفسية الـ تضم تحتها الراحة الجسدية والرفاهية الحسية, لان لو معتقد ان العمل بشكل مستمر هيخليك تنجز تبقى فاهم غلط.

الرفاهية الـ اقصدها هي الحاجات الي العاد بتاعها نفسي مش مادي زي الافلام او الـ Video Games والـ بتخليك في حالة من النشاط لتكملة العمل, صحيح أن يفضل ان لو استبدلها برفاهيات مفيدة زي علاقات الصداقة, لمة العيلة, لعب رياضة او مشاهدة الافلام الوثاقية وطبعا قراءة الكتب, لكن مش ده الغرض, الغرض انك ترفه عن نفسك بالوسيلة الـ بتحبها مش انا او غيري بيحبها.

الجدول التالي هو طريقة لتحقيق التوازن ده, لكن خلي بالك من حاجة مهمة جدا جدا, الـ نفع معايا مش لازم ينفع معاك, لان ظروفنا والطبع مختلف, الصح انك تقراء التجربة وتعدلها بما يناسب احتياجاتك الحالية بحيث انك تحقق التوازن بين العمل والنفس وده مش مع المقال الحالي لكن مع كل تجربة تشوفها او تقرأها.

فكرة الجدول أنها تبدأ بالعمل المهم والتقبل نفسيا الاول وبعدين يخف تدريجيا مع مرور اليوم … اهم حاجة تلاحظها في الجدول أني حاولت اعمل توازن بين الراحة والعمل, وخاصة في الجزء الأول منه … مع العلم ان الجدول معمول بناءا على كثرة المهام في الوقت الحالي وقلة الارتباط بأشخاص, زي وجود اسرة او شريك ليه حق في وقتي … عشان كده اكدت على نقطة ان الـ ينفع معايا مش لازم ينف ليك وانك محتاج تعمل تعديل مناسب ليك.

الخطوات

قسمت الوقت لـ 3 أقسام

• عاجلة (Urgent) : هي الحاجات الـ محتاجة تخلص في أقرب وقت, زي الـ Deadline Tasks
• مهمة (Important) : ليها مدة اطول للانتهاء ومش مؤثرة في الوقت الحالي, مثلا Task عاوز يخلص بعد أسابيع او تعديل UX لـ PythonEgy.com والموقع شغال تمام حاليا
• اقل اهمية (Low Priority) : ملهاش وقت معين لكن حاسس ان محتاجه تنجز او على الاقل يتبص عليها, مثلا تنزيل مجموعة من الكتب او تجربة Framework جديدة او فيلم وثائقي جديد. حاجات مهمة لكن مش مؤثرة في الوقت الحالي او القريب.

التطبيق

يوم الجمعة مش بشتغل يه نهائي او اعمل اي حجة ليها علاقة بالشغل, لكن باقي الايام بالنسبالي بعد الصحيان مقسمة كالتالي:

اول اليوم مخلي الـ Urgent Tasks لان الواحد بيبقى لسه مليان طاقة تستنفذ في المهام الـ عاوزة تركيز عالي, وطبعا مفهوم ان مع مرور الوقت باقي اليوم الطاقة بتقل, اظن وصلت الفكرة.

جدول تاني اصغر للـ Tasks مقسم حسب المهام لتوزيعها على الوقت

حاجة مهمة, بعد تجهيز الجدول بالشكل السابق, بكتب كل حاجة في دماغي على ورقة بدون ترتيب محدد في صورة نقط, عشان اخفف من دماغي حمل الاحتفاظ بيها, وبعدين ابداء التوزيع في الجدول.

حاجة كمان, افرض بعد ان انا خلصت شغل الـ Tasks الـ في الـ Important مثلا, وعندي وقت فاضي في الوقت المخصص للـ Important, تخش على الـ بعدها في وقتها, يعني انا خلصت الثلاث نقط الـ عليا في الوقت المحدد بتاع الـ Important اخش اخلص الـ Low Priority وهكذا.

لاحظ أن الـ Low Priority حاجات خفيفة ونتاجها سهلة سريعة مش محتاجة تفكير, وده يفضل دائما قبل وقت النوم, مع العمل ان غلط اصلا تعمل حاجة قبل النوم مباشرة, لان للحصول على نوم سليم لازم تجهز نفسك للنوم نفسيآ زي خفت الاضاءة وهدوء الاعصاب… عموما الاختيار ليك.

النهاية

جربت طرق كتير لحل مشكلة الـ Burnout, لحد ما وصلت للـ Perfect Formula (على الاقل) بما يناسب متطلباتي في الوقت الحالي ودي نتيجة انا راضي عنها, التالي تجربة شخصية مناسبة لطبيعة شغلي ووقتي, عدلها بما يناسب احتياجاتك.

مقال مقترح ازاي انا بجهز خطة مشروع

المراجع
Wikihow
خطة العودة إلى الإنجاز - مكسرات