ازاي بذاكر من غير تشتت

هاعرض لك طريقتين للمذاكرة بمشي عليهم حسب الحاجة:

* المذاكرة بالعكس

* الـ Center Topic

الطريقة الأولى: اذاكر بالعكس, دي لما اكون محتاج اذاكر مجال جديد, وانا عارف أساسيات اللغة كويس, ببداء اني اسيب أساسيات المجال (مش اساسيات اللغة خلي بالك) واعمل تطبيق بحيث اعمل اي Output, بمعني اني لما حبيت اخش الـ Web وانا عارف Python طبقت وراء Tutorial, ولما عملت الـ Output بدات اذاكر اساسيات الويب, وكانت المذاكرة سهلة مفهومة لاني شوفت الـ Output بنفسي قبلها, على سبيل المثال حاجة زي الـ Request-Response Cycle انا شوفتها بالواقع العملي فـ فهمتها On The Fly

الطريقة التانية: الـ Center Topic, الـ اقصده هنا اني يكون عندي مقالة واحد (او كتاب) بتناقش الموضوع الـ انا مهتم بيه بعدين ابدا اني املئ الـ Gaps الـ في الـ Topic من على الانترنت, مثال, موضوع الـ Database, انا كنت بدور على مفاهيم الـ Database او بنية الـ Database بمعنى اصح, بحيث اني ابقى فاهم انا بتعامل مع ايه بالظبط.

فالقيت Post بيتكلم عن شرح الـ Database وذكر الـ Degree, Relational, Attribute والـ Column, وده انا حسيت انه كويس من حيث الـ Structure وبيتكلم عن مفاهيم جديدة.

لكن المشكلة كانت ان الـ Post ذاكر المفاهيم مش شارحها, فأنا بداءت املى الـ Gap (ان هو مش شارح بالتفصيل) من على الانترنت وخليت الـ Post كـ Center Topic, بحيث ان الـ Topic بيوفرلي Road Map واضحة الخطوات وانا بكمل الـ Gaps باني ابدا ادور على شرح تفصيلي لكل نقطة من الخطوات, بس طبعا لازم تحدد ايه نوع الـ Gap بالنسبة ليك, مثلا, ممكن يبقئ الـ Post ناقص مصطلح معين فقط لاحظته خلال القراءة او جه على بالك, عموما كل ما كنت فضولي اكتر كل ما كنت هتتعمق في الفهم.

اعتقد ان دي افضل طريقة للمذاكرة (الـ Center Topic) بحيث انك مش تعتمد على Reference واحد, لان مهما كان المجهود المبذول في الكتاب او الـ Post المكتوب دائما بيكون هناك في إغفال غير مقصود لبعض النقاط, او ان طريقة الشرح بتكون غير واضحة ليك, فـ البحث بيوفر اكتر من زاوية لشرح الموضوع, ده غير  ان ممكن مفاهيم جديدة تظهر مش موجودة في الـ Topic الأساسي.

عيب الطريقة دي انك ممكن تـ Fall Into The Rabbit Hole, او بالعربي تفضل تجري وراء مصطلحات جديدة وتحاول تجاوب على اسئلة تظهر في بالك كل مرة على الانترنت وتقضي ساعات وتنتهي انك في حالة من التشتت, للاسف هنا معتقدش اني اقدر اديك نصيحة واضحة تماما, لان دي حاجة هتتعود على تفاديها مع الوقت وهتقدر  تـ Filter وتعرف امتى تقف وامتى تكمل.

عموما ممكن يبقى في Tip صغيرة, انك ترجع دايما للـ Center Topic ومتزودش عن الـ فيه, يعني أنك تملئ الـ Gap الناقصة في الـ Center Topic وبس,

يفضل كمان انك تكتب السؤال الـ في باللك على ورقة لانك هتسرح من كتر الاسئلة الـ بتظهر في بالك وانت بتدور على الانترنت وهتنسى السؤال الاول كان ايه, وكذلك كل سؤال ظهر جديد خلال البحث على الإنترنت, وفي الاخر  بعد ما توصل لإجابة انت راضي عنها تشطب على الأسئلة الفرعية, كمان الكتابة بتساعدك لما تفصل بحيث انك في الـ Break تراجع الأسئلة المكتوبة وتشوف انت سرحت ولا على الطريق الصحيح.

بالتوفيق.